ما بقى لي غير ذكرى اللقا
ونظرة عيون في خيالي باقيه
ما بقى لي غير لحظة حكت فيها العيون الف كلمة
وما حكينا
ودمعت فيها المحاجر الف دمعه
وما بكينا
وانتهينا بالفراق وبالبعاد
وما رضينا بالهجر
ما بقى غير لحظة التقت فيها القلوب
تعانقت فيها المشاعر
وتبعثرت فيها الدموع
وعادت فيها السنين الماضيه
لحظات البراءه.. السنين الخاليه
التقينا صدفة بين البشر ..
هذه ما كانت لحظة من العمر ..
هذي خيال هذي حلم
هذي اماني تحققت ..
ليتها كانت سنين وما نفترق ..
ما نبتعد
اختفى .. واختفت احلامنا ..
ورجعت احزان السنين ..
ورجعت آلام الليالي الموحشه ..
يا معاني الحزن اسعفيني بالحروف
يا حروف الشعر ارشديني من يكون ؟؟
من غمرني بالحنين واختفى !!!
من وعدني بالعهود وما وفى !!!
ارشديني يا طيور شاهده .. على حرف هو كاتبه !!
من سطر لي حياتي بالزهور .. وذبلت !!!
من رسم لي امنياتي .. وانمحت !!
ارشديني يا طيوف اسكنت في خيالي واشردت !!
ارشديني عن عيون ما صدقت ... لكن ما كذبت !!!
من يكون ؟؟
من في اعماقي سكن
وبداخل عيوني غفى
فارس امتطى اغلى المشاعر
وارتجل بالحروف احلى القصيد وصار في عيوني عن الفين شاعر
ورحل
وما دريت انه سرقني وسافر
وتركني فقيرة حب اشحذها مشاعر
ارتمي في حضن الحزن ادورها ابتسامه
ما حفظت من كلامه الا رموزه
وما رسمت من عيونه .. الا الخيانه
صار صعب انسى وجوده ..
وصار لي اصعب انسى المهانه
صبرت انا ياما من صدوده
واقوول ايييييه بكره يذكر هالامانه ..
ويذكر انه حلف لي في وعوده ..
وتركني مثل غريق متربط في قيوده
وما له في هالدينا اية ضمانه ..
لكن والله لو تلامس هالسما ارااضي جدوده
ما اتنازل له لأجل ارضى عشانه
ما نزفت الا من طعنات جحوده
و اشهد ان دواي انا بنسيانه
اسعفيني يا حروف ..
هو بقالي من حياتي ..
اي لحظه فيها فرحه
او ساعه فيها ضحكه !!
هو بقالي في حروفي
اي معنى ينكتب
اسعفيني يا حروف !!