ضاع الكلام ولاعرفت ابتدي منين.. من طيبك اللي صعب يوصفه لساني.. جمايلك تبقى على الراس والعين.. ما انساها لو انه نساني زماني.. اصبحت لايامي دروب وعناوين.. والدنيا من شفتك لها طعم ثاني.. يالهفة المشتاق من سنين وسنين.. حن على قلب المولع ثواني.. قاسي عظامه من بعد صدك يلين.. والروح من غبت ياروحي تعاني.. غيرت احوالي من الشين للزين.. لين الفرح من بعيد جاني.. اذكرك بعض الوقت واتذكرك حين.. ياكيف ابنسى صاحب مانساني.. واليوم جيتك ودي ارجع الدين.. ابهديلك اشواقي وعطفي وحناني.. ياللي سلبت روحي(بين قوسين).. اموت في صوتك اليا من دعاني.. ليتك على مجنونك ترفق وتلين.. يكفي تعبت بعدك وماجاني كفاني.. تفداك روحي لا وقلبي مع العين.. لاتبتعد عني ..دخيلك عشاني
عدل سابقا من قبل في الخميس 14 فبراير - 12:01 عدل 1 مرات